| ಈ ವರ್ಷ ಎಸ್ಸೆಸ್ಸೆಲ್ಸಿ ಪರೀಕ್ಷಾ ಪದ್ಧತಿಯಲ್ಲಿ ಮಹತ್ವದ ಬದಲಾವಣೆಗಳಾಗಿವೆ. ಪ್ರೊ ಎಸ್. ಶ್ರೀಕಂಠಸ್ವಾಮಿಯವರ ಅಧ್ಯಕ್ಷತೆಯಲ್ಲಿ ಮಂಡಿಸಲಾದ 10ನೇ ತರಗತಿ ಪರೀಕ್ಷೆ ಪ್ರಶ್ನೆ ಪತ್ರಿಕೆ ಪರಿಷ್ಕರಣಾ ಉಪಸಮಿತಿ ವರದಿ ಹಾಗೂ ಬೆಂಗಳೂರಿನ ಶೈಕ್ಷಣಿಕ ಮತ್ತು ಸಾಮಾಜಿಕ ಅಧ್ಯಯನ ಸಂಸ್ಥೆ ಸಲ್ಲಿಸಿದ ಎಸ್ಸೆಸ್ಸೆಲ್ಸಿ ಪರೀಕ್ಷೆ ಪ್ರಶ್ನೆ ಪತ್ರಿಕೆ ಪರಿಷ್ಕರಣೆ ಕುರಿತಂತೆ ಪರಿಣತರ ಮತ್ತು ಶೈಕ್ಷಣಿಕ ಸಮುದಾಯದ ಕ್ರೋಢೀಕೃತ ವರದಿಗಳನ್ನು ಆಧರಿಸಿ ಕರ್ನಾಟಕ ಪ್ರೌಢಶಿಕ್ಷಣ ಪರೀಕ್ಷಾ ಮಂಡಳಿಯು ಹೊಸ ಎಸ್ಸೆಸ್ಸೆಲ್ಸಿ ಪ್ರಶ್ನೆ ಪತ್ರಿಕೆಯ ವಿನ್ಯಾಸ ಹಾಗೂ ಮಾದರಿ ನೀಲನಕಾಶೆ ಮಾರ್ಚ್-2010 ಹೊರತಂದಿದೆ. ಜೊತೆಗೆ ಎಸ್ಸೆಸ್ಸೆಲ್ಸಿ ಪರೀಕ್ಷಾ ನಿರ್ವಹಣಾ ಕೈಪಿಡಿಯನ್ನೂ ಪ್ರಕಟಿಸಿದೆ.
ಈ ನೀಲನಕಾಶೆಯ ಪ್ರತಿಗಳು ರಾಜ್ಯದ ಎಲ್ಲಾ ಪ್ರೌಢಶಾಲೆಗಳಲ್ಲಿ ಲಭ್ಯವಿದ್ದರೂ ವಿದ್ಯಾರ್ಥಿಗಳಿಗೆ ನೇರವಾಗಿ ತಲುಪಿಸುವ ದೃಷ್ಟಿಯಿಂದ ಶಿಕ್ಷಕರು, ಪೋಷಕರು ಮತ್ತು ಆಸಕ್ತರ ಅನುಕೂಲಕ್ಕಾಗಿ ಚಿತ್ರದುರ್ಗದ ಸಾರ್ವಜನಿಕ ಶಿಕ್ಷಣ ಇಲಾಖೆ ಮತ್ತು ವಿವಿಧ ವಿಷಯವಾರು ಶಿಕ್ಷಕರ ಕ್ಲಬ್ಗಳ ಬ್ಲಾಗ್ ಗಳಲ್ಲಿ ಆಯಾ ವಿಷಯಕ್ಕೆ ಸಂಬಂಧಿಸಿದ ನೀಲನಕಾಶೆಯ ಪ್ರತಿಗಳನ್ನು ಅಪ್ಲೋಡ್ ಮಾಡಲಾಗಿದೆ. ಕರ್ನಾಟಕ ಪ್ರೌಢ ಶಿಕ್ಷಣ ಪರೀಕ್ಷಾ ಮಂಡಳಿಯ ವೆಬ್ಸೈಟ್ ()ನಲ್ಲಿ ಪಿ.ಡಿ.ಎಫ್. ರೂಪದಲ್ಲಿ ಬಿಡಿ ಬಿಡಿ ಪುಟಗಳಾಗಿ ದೊರೆಯುವ ಈ ನೀಲನಕಾಶೆಯ ಪುಟಗಳು ಚಿತ್ರದುರ್ಗದ ಸಾರ್ವಜನಿಕ ಶಿಕ್ಷಣ ಇಲಾಖೆ ವಿಳಾಸದಲ್ಲಿ ವಿದ್ಯುನ್ಮಾನ ಪುಸ್ತಕ (ಇ-ಬುಕ್) ರೂಪದಲ್ಲಿ ದೊರೆಯುತ್ತದೆ. ಸದ್ಯದಲ್ಲಿಯೇ ಪ್ರಕಟಿಸಲಾಗುವ ಮಾದರಿ ಪ್ರಶ್ನೆಪತ್ರಿಕೆಗಳನ್ನು ವೆಬ್ನಲ್ಲಿಯೂ ಅಳವಡಿಸುವ ಯೋಜನೆ ಇದೆ. ಆಸಕ್ತರು ನೀಲನಕಾಶೆಯ ಪ್ರತಿಗಳನ್ನು ಈ ಕೆಳಕಂಡ ವಿಳಾಸಗಳಿಂದ ಪಡೆದುಕೊಳ್ಳ ಬಹುದು: http://bedrefoundation.blogspot.com www.kseeb.org http://chitradurgaddpi.blogspot.com http://chitradurgassa.blogspot.com http://chitradurgakannada.blogspot.com http://chitradurgaenglish.blogspot.com http://chitradurgahindi.blogspot.com http://chitradurgamaths.blogspot.com http://chitradurgascience.blogspot.com http://chitradurgasocialscience.blogspot.com
|